غــداً أجـمـل بأذن الله :)

خليك بطل

القصيدة دى عمرها الادبى اكثر من 20 سنة
بس بعد عشرين سنة من سمعى لها لسة بتعجبنى ..يا ترى هتعجبكم ..هى للشاعر..احمد ابراهيم

البطل

لما حلمك ينقتل قدام عينيك
والمعانى كلها تصبح سراب
لما كل الصحبة تخرج للمدى
تنده بعلو الصوت لمين
تلقى المدى ملهوش صدى
تصبح بطل....
قدام مئات الأسئلة
ومعانى تاهت فى التهم
خلك أساس المشكلة
صبح المحامى متهم
جوا القفص تصبح وحيد
لكن بطل ...
تضحك وخايف م البكا
ما يهم مين اللى اتهم ولا اشتكى
فى جوا قلبك معجزة
جواك طفولة مزقططة
وزغنططة...
قلبك وفى ...
وبكل حزنك تكتفى
تلعن فى صمت الأزمنة
كل اللى شافك واختفى
لكن بطل...
فى عيونك الدمعة سؤال
فى اخوتك زى الجبل
اقبل زمان وابتدى
أخر نفس فى الحلق يبقى المبتدى
انطق بقى....
واستني بكرة بالمنى
واحلم معايا باللقا
أوعاك تخاف
أوعاك تقول
من خوفى منك هانتهى...
أوعاك تكون فى المنتهى
لساك فى أول سكتك
ولا ألف ميت كرباج
هيقدر يخرسك
أصلك بطل ...
لساك هاتعرف من معاني التجربة
مليون هدف...
لكن أمام المستحيل
خليك بطل
لجلن تعيش جوا الحياة
خليك بطل
خليك بطل