غــداً أجـمـل بأذن الله :)

--------------

المزاد 2007

******
صعب أصدق
ان سر جروحى ... روحى
أصعب أصدق
ان عمرى كل عمرى
فجأة صار .. صار رهينة
سلعة جوا مزاد كبير
بس التمن كان يسير
ما يساويش نبضة واحدة
نظرة واحدة ... دمعة واحدة
ما يساويش حبى الكبير
صعب أصدق
ان عمرى
فجأة صار ... سلعة جوا مزاد كبير
شئ خطير لو يموت حبى الكبير
الوفاء والحنان ..الثقة ويا الامان
شئ خطير لو يضيع تعب السنين
وأشتياقى والحنين
شئ مرير
ان ألاقى فجأة عمرى
ف المزاد ملهوش تمن

بدأ المزاد

آل دونا ..آل دى ..آل ترى
مين يزود ؟؟
كل الحضور مستغربين !!!
الكل ساكت ..الكل حزين
من خلف الصفوف ...صاح الحنين
لو أملك أدفع الملايين
لكن منين ؟؟؟؟
بصيت شمال ويمين
وسألت
مين هيدفع تمنى مين؟
اللى باع من غير تمن
والا اللى ما يملك التمن
آل دونا ... آل دى ..آل ترى
مين يزود ؟؟؟
كل الحضور مستغربين !!!
الكل ساكت ..الكل حزين
دقت الأجراس تنادى
قلب للبيع
عمر للبيع
حب للبيع
مين يشترى؟؟
مين يزود ؟؟
كل الحضور مستغربين
يشتروا ايه ومين
مين يزود؟؟؟
الكل ساكت ..الكل حزين

دقت الأجراس

آل دونا ... آل دى ..آل ترى

وأنتهى فجأة المزاد

وأبتدا ليل السهاد
علقوا لقلبى المشانق
دقت الأجراس بتنعى
قلب كان فى يوم إنسان

أنتهى فجاة المزاد
وأنتهيت