غــداً أجـمـل بأذن الله :)

صاحبى الغالى مد ايدك بالسلام

صاحبى الغالى

صاحبى يا غالى
النهاردة جاى تعاتبنى
جاى تقولى كفاية يا صاحبى
كفاية كلام ..
كلام ع الفرقة وع الأيام
جاى تسألنى ليه صداقتنا
ليه ما تدوم ...؟!
جاى وناسى
أن ده كله شئ مزعوم
جاى ياصاحبى
وزى عادتك دايما ناسى
انك مش بس الإنسان
وأنى زيك عندى شعور
اقدر احدد أيه يرضيه
اقدر افرق بين الصدق وبين الوهم
وأنا ف الوهم عشت كتيييييير
للأحلام ياما عشت أسير
اعذرنى ياصاحبى
جه الوقت علشان اصحى م الأحلام
علشان أبدد الأوهام
بتقول صعب انك تنسانى
أو انك تلقى صديق تانى
يقدر يملى بصدق مكانى
بتقول صعب وناسى يا صاحبى
أنى زيك لى حقوق
يمكن يوم ما طالبتش بيها
ويمكن مش راح أطالب بيها
بس أنا زيك لى حقوق
بتقول صعب وناسى ياصاحبى
إن جروحى كل جروحى
كانت منك
بتقول صعب
صعب لأنك محتاج جنبك صاحب مخلص
دايما فاكر أنت ياصاحبى
كل ألامك .. كل جروحك
لكن ناسى إيه محتاج واحد صاحبك
أغلى أماله انه يصاحبك
ناسى مطالبه ...ناسى مشاعره
لكن تقدر بس تعاتبه
أسف جدا
بعد ما عشت كتير علشانك
جه الوقت
علشان أعيش مرة عشانى

أسف جدا
مش هى دى نهاية الطريق
مد أيدك بالسلام
عايز الحق اللى باقى م النهار
مد أيدك بالسلام
عايز الحق اللى باقى م النهار
وان ف يوم حسيت يا صاحبى
أنى صاحبك ...

هتلاقينى نفسى أصاحبك

مد أيدك بالسلام
عايز الحق اللى باقى م النهار
مد ايدك بالسلام